Prishtinë    13/08/2024

AKP e cila ka në Administrim të Drejtpërdrejtë Ndërmarrjen Shoqërore “Inex Sharr Planina ” Brezovicë , SHPALLË këtë:

FTESË PËR OFERTË

1. LËNDA E KONTRATËS

Dhënia në shfrytëzim e Hapësirave Reklamuese te Qendra e Skijimit në Brezovicë NSH Inex Sharr Planina

Me qëllim të dhënies në shfrytëzim hapësirat reklamuese te NSH Inex Sharr Planina, AKP shpallë tenderin publik për dhënien e hapësirave reklamuese në shfrytëzim si në vijim: 

• Teleferiku "Qafa e Luanit" 18 Shtylla  me lartësi 4-8 m, në gjerësinë e shtyllës nga njëra anë, Shporta, 180 copë me hapësirë ​​reklamimi 92cm x 44cm
• Teleferiku “Livadhi i madh” 19 Shtylla  ​​me lartësi 4-8 m, në gjerësinë e shtyllës nga njëra anë,  Shporta, 182 copë, me hapësirë ​​92cm x 44cm.
• Stacioni i nisjes së teleferikut  -  2,8 m x 6,5 m - 2 platforma me nga 4 secila me reklama 1 m x 1,5 m;- 2m x 2.9m - 2 platforma me nga 3 secila me reklama 1m x 1.5m
• Hotel Molika:  4 copë 12m x 6.5m;  1 copë 12m x 6.5m ;  2 copë 3m x 4.2m
• Treni i skive:  2 komplet trena me përmasa 2m x 2m x 3m gjithçka përveç dritares
• Stacioni i nisjes së automjeteve, 5m x 2.5m dhe 2.5m x 3m
• Zona reklamuese e të gjitha gardheve dhe laurave rreth afrimit të teleferikut, si dhe gardheve në kthesat dhe stacionet e ndërmjetme

Kërkesat teknike për operatorin ekonomik:

• Operatori ekonomik duhet të jetë i regjistruar në Republikën e Kosovës;
• Duhet të ketë përvojë në furnizime dhe shërbime të ngjashme – Referencat.
• Periudha për dhënien në shfrytëzim të këtyre hapësirave reklamuese është një (1) vit nga momenti i nënshkrimit të kontratës;
• Operatori ekonomik fitues do të shpallet ai i cili i plotëson kriteret teknike dhe oferton me çmimin më të lartë për marrje të hapësirave reklamuese.

AFATI KOHOR DHE VENDI PËR DORËZIMIN E OFERTAVE

Kushtet e përgjithshme:

• Për tu njohur më afër me hapësirat që tenderohen si hapësira reklamuese Operatorët ekonomik mund të bëjnë vizitë te Qendra e Skijimit në Brezovicë çdo ditë punë nga data 13.08.2024 deri më 26.08.2024
• Ofertat finale të cilat duhet të jenë në zarf të mbyllur, duhet të dërgohen më datën 27.08.2024 nga ora 13:15  deri në orën 14:15 në adresën e mëposhtme:

Agjencia Kosovare e Privatizimit, rr. Dritan Hoxha nr. 55, 10000Prishtinë.

• Ofertat do të hapen me datën 27.08.2024 në ora 14:20 në Agjencinë Kosovare të Privatizimit, rr. Dritan Hoxha nr.55, 10000 -  Prishtinë.
• Ofertat duhet të dorëzohen personalisht apo në rast që dorëzohen  në emër të qiramarrësit pala duhet ta ketë autorizimin e noterizuar tek noteri.
• Në rastet e qiradhënies në vlera mbi € 1,000 mujore, para nënshkrimit të kontratës do të kërkohet nga ofertuesi fitues të sjellë garancionin bankar (jo letër zotimi nga banka) apo garancionin e lëshuar nga Kompania e licencuar e Sigurimeve. Garancioni duhet të jetë në lartësinë e vlerës së gjashtë (6) qirave mujore sipas kontratës
• Në çmimin e ofertës totale duhet të përfshihen të gjitha tatimet e aplikueshme në Kosovë, përfshirë edhe TVSH 18%, etj.
• Ne ato raste kur ekzistojnë dy oferta të njëjta, çështja rregullohet që ofertuesi i parë për nga koha, ka përparësi.

 V.    Përfaqësuesit legjitim të ofertuesve, mund të marrin pjesë me rastin e hapjes së ofertave.

Ofertat do të pranohen me 27.08.2024 prej orës 13:15 - 14:20

në zarf të mbyllur për secilën njësi veç e veç në:                                                                                                                             

Divizioni i Administrimit Direkt dhe Kontrollit të AKP-së në Prishtinë

Adresa: Rr. Dritan Hoxha nr.55,  Ndërtesa e Rilindja Shtypshkronja (Hyrja kah lagja Arbëria/ Dragodani) në Prishtinë – e-mail: info@pak-ks.org;  www.pak-ks.org